Hukumomin jihar Katsina sun sanar da karɓo wasu mutum 37 daga hannun ƴanbindiga bayan sulhu da aka yi tsakanin hukumomin jihar da ƴanbindigar.
Mutanen sun ƙunshi maza 18 da mata 17 da ƙananan yara,Mutanen sun shafe fiye da wata guda a hannun masu garkuwa da mutanen.
Hon. Abdurahman Ahmad Kandarawa shi ne ɗan majalisa mai wakiltar ƙaramar hukumar Bakori a majalisar dokokin jihar, ya kuma shaida wa BBC cewa a yanzu babu sauran wani mutumin ƙaramar hukumar da ke hannun ƴanbindigar,
Ya ƙara da cewa karɓo mutanen na cikin ɓangaren yarjajeniyar zaman lafiyar da aka cimma a yankin, ba wai kudin fansa aka biya ba.
Ɗan majalisar ya kuma yaba da sulhun da ka yi da ƴanbindiga a yankin, yana mai cewa tun bayan cimma sulhun, ba a sake samun rahoton sace wani mutumin yankin ba.
About the Author
