Murabus ɗin nasa ya fara aiki nan take
Aminiya ta rawaito cewa, Abdullahi Umar Ganduje ya bayyana rashin lafiya a matsayin dalilin da ya da ya ajiye muƙamin shugabancin jam’iyyar.
Ganduje ya zama Shugaban APC a watan Agustan 2023, a lokacin da jam’iyyar ke fama da rikicin cikin gida.
Lokacin da ya kwashe a matsayin shugaban jam’iyyar na cike da cece-kuce da suka.
Ko da yake Ganduje ya ce rashin lafiya ce ta sa ya yi murabus wasu majiyoyi sun bayyana cewa rikicin siyasa a cikin jam’iyyar ne suka tilasta masa ajiye muƙaminsa.
Haka kuma, an danganta murabus ɗinsa da zarge-zargen almundahana da karkatar da kuɗaɗe.
Wasu ’ya’yan jam’iyyar sun koka cewa ofishinsa na tilasta musu biyan kuɗi da yawa musamman masu neman tikitin takara a Abuja.
Tasirin murabus ɗinsa ga jam’iyyar APC
Murabus ɗin Ganduje babban sauyi ne ga shugabancin jam’iyyar APC.
Yanzu haka, mutane da dama suna jiran su ji yadda jam’iyyar za ta shawo kan wannan lamari.
Har yanzu jam’iyyar APC ba ta fitar da wata sanarwa kan murabus ɗinsa ba.
Matsalolin da suka shafi Ganduje kan shugabancin jam’iyyar
A farkon shekarar 2024, wata kotu a Jihar Kano ta hana Ganduje ci gaba da kiran kansa da ɗan jam’iyyar APC, bayan wasu shugabannin jam’iyyar sun shigar da ƙara a kansa.
Daga baya kuma, wata kotu a Abuja ta yi watsi da ƙarar da wasu ke yi don a tsige shi daga shugabancin jam’iyyar.
Zamanin Ganduje a matsayin shugaban jam’iyyar cike yake da rikice-rikice, kuma murabus ɗinsa yanzu zai sanya dasa ayar tambayoyi domin neman wasu amsoshi.
0 Followers
0 Subscribers
0 Members
