Ahmad Hamisu Gwale
Hukumar ƙwallon ƙafa ta Afirka, CAF ta sanar da raba jadawalin gasar cin kofin Afirka da za a gudanar a bana a Morocco.
Daga cikin abokanan karawar ta Super Eagles a rukunin na C akwai kasar Tunisia sai Uganda da Tanzania.
Kasashen da ke rukunin A sun kunshi Morocco mai masaukin baki sai Mali da Zambia kana Tsibirin Comoros.
Daga rukunin B kasashen Masar wato Egypt da Afirka ta Kudu (South Africa ) sai Angola da Zimbabwe ne zasu kece raini.
Rukunin D akwai kasar Senegal da Jamhuriyar Dumokaradiyyar Congo (Congo Dr) sai Jamhuriyar Benin da Botswana.
Rukunin E na dauke da kasashen Algeria da Burkina Faso sai Equatorial Guinea da Sudan.
Sai rukunin karshe na F mai kasashen Cote d’Ivoire kana Cameroun da Gabon tare da Mozambique.
Za a fara gasar daga ranar 21 ga watan Disambar 2025 a Kammala ranar 18 ga watan Janairun 2026.
0 Followers
0 Subscribers
0 Members
