Tsohon Shugaban Ƙasa, Olusegun Obasanjo, ya ce Najeriya na buƙatar taimakon ƙasashen waje don dakatar da kashe-kashe da rashin tsaro, domin gwamnati ta gaza kare al’umma.
Ya bayyana haka ne a wani taro a Jihar Filato, inda ya ce a cigaba ya kawo fasahar da za a iya gano masu aikata laifi, amma ta gaza yin hakan.
Obasanjo, ya yi gargaɗin cewa ana kashe ’yan Najeriya ba tare da la’akari da addini ko ƙabila ba, don haka ya zama wajibi gwamnati ta gaggauta ɗaukar mataki.
Ya ce idan gwamnati ta kasa kare jama’a, ’yan ƙasa na da damar neman taimakon ƙasashen duniya.
Ya soki masu kare kashe-kashen da ake yi, inda ya bayyana cewa rayuwar kowanne ɗan Najeriya na da muhimmanci.
Obasanjo, ya kuma tuhumi dalilin da ya sa gwamnati ke tattaunawa ko biyan kuɗin kuɗin fansa ’yan bindiga, inda ya ce hakan na ƙara taɓarɓarewar lamarin.
Yayi kira ’yan Najeriya da su haɗa kai domin tabbatar da zaman lafiya, tare da tabbatar da cewa kowa na rayuwa ba tare da fargaba ba.
About the Author
