Dan wasan Barcelona Robert Lewandowski, ya bayyana cewa zai iya lashe kyautar Ballon d’Or.
Lewandowski wanda ya koma Barcelona daga Bayern Munich a kan kudi fam miliyan £50 a kakar wasannin da muke ciki.
Dan kasar Poland ya fafata kakar wasanni takwas a tsohowar kungiyarsa da ke Allianz Arena, ya zura kwallo 344 a wasanni 374 da ya buga mata a baya.
Haka kuma a yanzu a Barcelona Lewandowski ya zura kwallo 11 a wasa takwas a kakar wasanni ta bana.
Wanda hakan ya bashi damar kasance a gaba a yawan zura kwallo a gasar La Liga a gaban dan wasa Karim Benzema da kuma Iago Aspas.
Mai shekara 33 tuni yayi hasashen cewa shi ne zai lashe kyautar ta Ballon d’Or a kungiyarsa ta Barcelona.